მეც­ნი­ერ­ებ­ის მხრი­დან გლო­ბა­ლურ დათ­ბო­ბას­თან და­კავ­ში­რე­ბით უწყვე­ტი გაფ­რთხი­ლე­ბის მი­უხ­ედ­ავ­ად, სა­კა­ნონ­მდებ­ლო და აღ­მას­რუ­ლე­ბე­ლი ხე­ლი­სუფ­ლე­ბის ორ­გა­ნო­ები მთე­ლი მსოფ­ლი­ოს მას­შტა­ბით მა­ინც ვერ ახ­ორ­ციელ­ებ­ენ გლო­ბა­ლუ­რი დათ­ბო­ბის სა­წი­ნა­აღ­მდე­გო საკ­მა­რის ღო­ნის­ძი­ებ­ებს, რის შე­დე­გა­დაც მომ­რავ­ლდა კლი­მა­ტის ცვლი­ლე­ბას­თან და­კავ­ში­რე­ბით აღ­ძრუ­ლი სასა­მარ­თლო და­ვე­ბი. 2017 წლი­დან 2020 წლამ­დე კლი­მა­ტის ცვლი­ლე­ბას­თან და­კავში­რე­ბუ­ლი სა­სა­მარ­თლო საქ­მე­ები თით­ქმის გა­ორ­მაგ­და მსოფ­ლი­ოს მას­შტა­ბით. სა­სა­მარ­თლო­ები, კლი­მა­ტის ცვლი­ლე­ბას­თან და­კავ­ში­რე­ბუ­ლი პრო­ცე­სის დროს, ხში­რად ახ­დე­ნენ გა­რე­მოს­დაც­ვი­თი მე­ქა­ნიზ­მე­ბის უფ­რო დე­ტა­ლუ­რად წარ­მო­ჩენას.

გა­რე­მოს­დაც­ვი­თი მე­ქა­ნიზ­მე­ბი კონ­სტი­ტუ­ცი­ებ­ში გათ­ვა­ლის­წი­ნე­ბუ­ლია, როგორც ინ­დი­ვი­დე­ბის სუ­ბი­ექ­ტუ­რი უფ­ლე­ბა, ან რო­გორც სა­ხელ­მწი­ფო პო­ლი­ტი­კის სა­ხელ­მძღვა­ნე­ლო პრინ­ცი­პე­ბი (სა­ხელ­მწი­ფო პო­ლი­ტი­კის მიზ­ნე­ბი). წი­ნა გან­მარტე­ბის­გან გან­სხვა­ვე­ბით, ზო­გი­ერ­თი სა­სა­მარ­თლო ახ­ლა უფ­რო ფარ­თოდ გან­მარტავს სა­ხელ­მწი­ფო პო­ლი­ტი­კის სა­ხელ­მძღვა­ნე­ლო პრინ­ცი­პებს, ვიდ­რე ად­რე. კერძოდ, სა­სა­მარ­თლო­ები, კონ­სტი­ტუ­ცი­ით გათ­ვა­ლის­წი­ნე­ბულ სხვა სა­მო­ქა­ლა­ქო თა­ვი­სუფ­ლე­ბებ­თან ერ­თად, ად­გე­ნენ მა­ტე­რი­ალ­ურ უფ­ლე­ბებს გა­რე­მოს­დაც­ვით სფე­რო­ში, სა­ხელ­მწი­ფო პო­ლი­ტი­კის სა­ხელ­მძღვა­ნე­ლო პრინ­ცი­პებ­ზე დაყ­რდნობით. გა­რე­მოს დაც­ვის სფე­რო­ში სა­ხელ­მწი­ფო პო­ლი­ტი­კის სა­ხელ­მძღვა­ნე­ლო პრინცი­პე­ბის ამ­გვა­რი გან­მარ­ტე­ბა (თუ არ გა­ვით­ვა­ლის­წი­ნებთ კლი­მა­ტის ცვლი­ლე­ბის სფე­რო­ში ქვეყ­ნის ვალ­დე­ბუ­ლე­ბებ­ზე უშუ­ალო ზე­მოქ­მე­დე­ბას) სა­ინ­ტე­რე­სოა შე­და­რე­ბი­თი სა­მარ­თლის ჭრილ­ში, რა­მე­თუ კონ­სტი­ტუ­ცი­ებ­ში ას­ახ­ულია მრა­ვა­ლი სხვა სო­ცი­ალ­ური უფ­ლე­ბა სა­ხელ­მწი­ფო პო­ლი­ტი­კის სა­ხელ­მძღვა­ნე­ლო პრინ­ციპე­ბის სა­ხით. 

კლი­მა­ტის ცვლი­ლე­ბას­თან და­კავ­ში­რე­ბუ­ლი სა­სა­მარ­თლო პრო­ცე­სები შე­იძ­ლე­ბა გა­იყ­ოს სამ კა­ტე­გო­რი­ად: (1) სა­ხელ­მწი­ფოს მო­ეთხო­ვე­ბა გარ­კვე­ული ზო­მე­ბის მი­ღე­ბა გა­რე­მოს და­სა­ცა­ვად, (2) სა­ხელ­მწი­ფოს ეკ­რძა­ლე­ბა გა­რე­მოს­თვის სა­ზი­ანო ქმე­დე­ბე­ბის წა­მოწყე­ბა ან გაგ­რძე­ლე­ბა, და (3) გა­რე­მოს დაც­ვის სტან­დარტი გან­მტკი­ცე­ბუ­ლია კონ­სტი­ტუ­ცი­ის ინ­ტერ­პრე­ტა­ცი­ის სა­ფუძ­ველ­ზე. სა­ერ­თაშო­რი­სო შე­თან­ხმე­ბებ­მა, რო­გო­რი­ცაა პა­რი­ზის შე­თან­ხმე­ბა, ას­ევე მნიშ­ვნე­ლოვ­ნად იმ­ოქ­მე­და ერ­ოვ­ნული სა­სა­მარ­თლოს პრაქ­ტი­კა­ზე. ეს ცხად­ყოფს, რომ ერ­ოვ­ნულ სა­სა­მარ­თლო­ებს შე­უძ­ლი­ათ და­აწ­ეს­ონ კლი­მა­ტის დაც­ვის სა­ერ­თა­შო­რი­სო შე­თანხმე­ბე­ბის პი­რო­ბებ­თან შე­სა­ბა­მი­სო­ბის მოთხოვ­ნე­ბის და გა­რე­მოს დაც­ვის სფე­როში სა­კონ­სტი­ტუ­ციო სარ­ჩე­ლე­ბის, რო­გო­რი­ცაა თა­ობ­ათა შო­რის თა­ნას­წო­რო­ბის  უზ­რუნ­ველ­ყო­ფის მოთხოვ­ნა, აღ­სრუ­ლე­ბის ვალ­დე­ბუ­ლე­ბა. გა­რე­მოს დაც­ვის ზო­გა­დი პრინ­ცი­პე­ბი, მათ შო­რის, პრინ­ცი­პი „დამ­ბინ­ძუ­რე­ბე­ლი იხ­დის“, ხდე­ბა რე­ალ­იზ­ებ­ად გა­დაწყვე­ტი­ლე­ბებ­თან და­კავ­ში­რე­ბუ­ლი დე­ბა­ტე­ბის ნა­წი­ლი. ზოგა­დად, კლი­მა­ტის ცვლი­ლე­ბას­თან და­კავ­ში­რე­ბუ­ლი სა­სა­მარ­თლო პრო­ცე­სე­ბი და ამ პრო­ცე­სე­ბის დროს გა­მო­ტა­ნი­ლი სა­სა­მარ­თლო გა­დაწყვე­ტი­ლე­ბე­ბი ზო­გი­ერთ ქვე­ყა­ნა­ში იქ­ცა იარ­აღ­ად, რო­მე­ლიც სა­კა­ნონ­მდებ­ლო და აღ­მას­რუ­ლე­ბე­ლი ხე­ლისუფ­ლე­ბის ორ­გა­ნო­ებს აიძ­ულ­ებს იმ­ოქ­მე­დონ ისე, რომ გა­ით­ვა­ლის­წი­ნონ კლი­მატის ცვლი­ლე­ბას­თან და­კავ­ში­რე­ბუ­ლი სა­კითხე­ბი, გა­ნა­ხორ­ცი­ელ­ონ და მი­აღ­წი­ონ კლი­მა­ტის დაც­ვას­თან და­კავ­ში­რე­ბულ იმ მიზ­ნებს, რო­მელ­თა დაც­ვის ვალ­დე­ბულე­ბა მათ ქვეყ­ნებს აქ­ვთ აღ­ებ­ული.